जेवळी : भुसणी (ता. उमरगा) येथील नगर शिक्षण विकास मंडळ, मुरूम संचलित प्रतिभा निकेतन विद्यालयाच्या मुख्याध्यापकपदी प्रेमनाथ आपचे यांची नियुक्ती झाली आहे. गुरुवारी (ता.२८) शाळेत झालेल्या कार्यक्रमात त्यांनी पदभार स्वीकारला.
प्रेमनाथ आपचे १९९९ मध्ये मुरूम येथील प्रतिभा निकेतन विद्यालयात माध्यमिक शिक्षक म्हणून रुजू झाले होते. २०१७ मध्ये त्यांची बदली भुसणी शाखेत झाली. आता त्यांची मुख्याध्यापक म्हणून निवड झाल्याने परिसरात समाधान व्यक्त होत आहे.
या पदभार कार्यक्रमास संस्थेचे सचिव व्यंकट जाधव, मुख्याध्यापक उल्हास घुरघुरे (मुरूम), पर्यवेक्षक राधाकृष्ण कोंढारे, विवेकानंद परसाळगे, राजशेखर कोरे, बी.एस. पाटील, इरफान मुजावर, शिवानंद पाटील, महेंद्र गायकवाड, जमीर मुजावर आदी मान्यवर उपस्थित होते.
या नियुक्तीनंतर माजी मंत्री बसवराज पाटील, संस्थेचे अध्यक्ष बापूराव पाटील, उमरगा जनता बँकेचे चेअरमन शरण पाटील, माधवराव पाटील महाविद्यालयाचे प्राचार्य अशोक सपाटे आदींनी आपचे यांना शुभेच्छा दिल्या.
