माकणी निम्न तेरणा प्रकल्पाचे सर्वच दरवाजे उघडले

लोहारा (जि.धाराशिव ) : लोहारा तालुक्यातील माकणी धरणाच्या पाणलोट क्षेत्रात पाऊस पडला असल्यामुळे येणारा येवा लक्षात घेऊन पाणी पातळी नियंत्रित करण्याचे दृष्टीने आज बुधवारी दि. 25/09/2024 रोजी पहाटे ठीक 5.15 वाजता निम्न तेरणा प्रकल्पाचे द्वार क्रं 5,10,4,11,3, 12,2 व 13 हे 10 सेंटिमीटर ने वाढवून तेरणा नदीपात्रात विसर्ग वाढविण्यात आला आहे. सद्यःस्थितीत द्वार क्रं 1 ते 14 (एकूण 14) ही वक्रद्वारे 20 सेंटिमीटर ने चालू असून एकूण 10704 क्यूसेक्स (303.10 क्यूमेक्स) इतका विसर्ग नदीपात्रात सोडण्यात आला आहे.

धरणामध्ये येणारी पाण्याची आवक पाहून विसर्ग वाढवणे/कमी करणे बाबत निर्णय घेण्यात येईल. तरी, नदी काठावरील / पुरामुळे बाधित होणाऱ्या गावातील नागरीकांनी खबरदारी घ्यावी.

पुरनियंत्रण कक्ष निम्न तेरणा प्रकल्प माकणी