सोलापुर ते पुणे हायवेवर ट्रॅव्हल्स बस व ट्रकच्या झालेल्या अपघातात विक्रम जगताप यांचा मृत्यू

लोहारा ( जि.धाराशिव ) : लोहारा तालुक्यातील भातागळी येथील विक्रम जगताप (वय ३४ ) हा लोहारा शहरातील भानुदासराव चव्हाण महाविद्यालयातील ग्रंथपाल म्हणून कार्यरत आहे. पुणे येथे चुलत भावाचा कार्यक्रम असल्याने विक्रम मित्रासह मंगळवारी रात्री साडे आठ वाजता भातागळी येथून पुण्याला निघाला. सोलापुरहुन मोहळला गेला. मोहळ (जि.सोलापुर) येथून ट्रॅव्हल्स बसने ( एम. एच. १९ सी. क्स. ४३३४ ) पुण्याला जात असताना पहाटे पाचच्या सुमारास मौजे खडकी गावचे हद्दीत सोलापुर पुणे हायवे रोडवर हॉटेल विसाव समोर (ता. दौंड जि. पुणे) येथे ट्रॅव्हल्स बस हि पुढे जात असलेल्या ट्रकला ( एम.एच १३ डी. क्यु १८२७) पाठीमागुन जोरदार ठोस दिला. या अपघातात ट्रॅव्हल्स बसमध्ये पुढे चालकांच्या बाजूस बसलेला विक्रम जगताप यांना गंभीर दुखापत झाल्याने जागीच मृत्यू झाला. तर ट्रॅव्हल्स बसमधील १) दत्ता साहेबराव शेंगोळे रा. बिड २) संध्या पांचाळ, ३) अमोल पंचाळ दोन्ही रा. पुणे ४) शामल रोडगे ५) महेश रोडगे दोन्ही रा. उदगीर ६) मैनाबाई आदमाने, ७) मीनाक्षी पाटील ८) शाहुराज पाटील ९) सुभाष माने १०) विमल दिवटे सर्व रा. लातुर हे किरकोळ व गंभीर दुखापत झाली आहे. या अपघात प्रकरणी रावणगाव पोलीस दुरुक्षेत्र गुन्हा दाखल करण्यात आला आहे.