“धाराशिव मध्ये जन आक्रोश मोर्चा दरम्यान वाहने अन्य मार्गाने वळविले ”

धाराशिव : सरपंच स्व. संतोष देशमुख व स्व. सोमनाथ सुर्यवंशी यांना न्याय मिळवून देण्यासाठी सर्व पक्ष/ संघटना, सर्व समाज धाराशिव जिल्हा यांचे वतीने धाराशिव शहरातील राजमाता जिजाऊ चौक- लेडीज क्लब- संत गाडगेबाबा चौक- डॅा. बाबासाहेब आंबेडकर चौक- छत्रपती शिवाजी महाराज चौक ते जिल्हाधिकारी कार्यालय, धाराशिव या मार्गाने सर्व पक्षीय जनआक्रोश मोर्चा हा शनिवार दिनांक 11.01.2025 रोजी आयोजित आहे.

सदर मोर्चे करीता धाराशिव जिल्ह्यातील तसेच इतर जिल्ह्यातील नागरिक मोठ्या संख्येने सहभागी होण्याची शक्यता आहे. त्या अनुषंगाने एस.टी. बसेस तसेच जड वाहने व इतर सर्व वाहने यांचे वाहतुक मार्गात बदल करणे गरजेचे आहे. सदर मोर्चे करीता येणारे नागरिक हे वाहनांसह मोठ्या संख्येने उपस्थितअसण्याची शक्यता नाकारता येत नाही अशा वेळी वाहतुकीची कोंडी होवु नये व लोकांच्या सुरक्षिततेच्या दृष्टीने कोणत्याही प्रकारचा अपघात होवून कायदा व सुव्यवस्थेचा प्रश्न निर्माण होव नये या करीता मोर्चा मार्गात समोरुन/ जवळून/ मार्गे होणारी वाहतुक अन्य मार्गाने वळविणे आवश्यक असल्याचे आमचे निदर्शनास आणुन दिले आहे.

मी संजय जाधव (भा.पो.से.), पोलीस अधीक्षक, धाराशिव मला प्राप्त असलेल्या महाराष्‌ट्र पोलीस अधिनियम 1951 चे कलम 33(1) (ब) अन्वये अधिकाराचा वापर करुन मोर्चात सहभागी होणाऱ्या लोकांचे सुरक्षीततेच्या कारणावरुन दि.11.01.2025 रोजीचे सकाळी 06.00 वा. ते जन आक्रोश मोर्चा संपे पावेतो खालील वाहतुक मार्गात बदल करणे बाबत निर्देशित करीत आहे.

1) बार्शी-पुणे येथुन येणाऱ्या एस.टी. बसेस व जड वाहने या राजमाता जिजाऊ चौकातुन (बार्शी नाका)- सेंट्रल बिल्डींग- तेरणा टी पॉईट- बायपास रोड मार्गे भवानी चौक( सांजा नाका)- सांजा रोड मार्गे बस स्थानक या मार्गाने मार्गक्‌रमण करतील.

2) छत्रपती शिवाजी महाराज चौक, धाराशिव कडुन बार्शी, पुणे कडे जाणाऱ्या एस.टी. बसेस व जड वाहने सांजा रोड मार्गे- भवानी चौक(सांजा नाका)- बायपास रोड- तेरणा टी पॉईट- सेंट्रल बिल्डींग- राजमाता जिजाऊ चौक, मार्गे बार्शी-पुणे कडे मार्गक्रमण करतील

3) सोलापूर- तुळजापूर येथुन येणाऱ्या एस.टी. बसेस व जड वाहने बायपास मार्गे भवानी चौक (सांजा नाका)- सांजा रोड मार्गे बस बस्थानक कडे मार्गक्रमण करतील.

4)छत्रपती शिवाजी महाराज चौक, धाराशिव कडून तुळजापूर-सोलापूर कडे जाणाऱ्या एस.टी. बसेस व जड वाहने हे सांजा रोड मार्गे- भवानी चौक(सांजा नाका)- बायपास रोड मार्गे मार्ग क्रमण करतील.

5)छत्रपती संभाजी नगर, बीड मार्गे येणाऱ्या बसेस व जड वाहने बायपास रोड मार्गे-भवानी चौक (सांजा नाका)- सांजा रोड मार्गे बस स्थानक या मार्गाने मार्गक्रमण करतील

6)छत्रपती शिवाजी महाराज चौक, धाराशिव कडून- बीड- छत्रपती संभाजीनगर कडे जाणाऱ्या एस.टी. बसेस व जड वाहने हे सांजारोड मार्गे- भवानी चौक(सांजा नाका)- बायपास रोड या मार्गाने मार्गक्रमण करतील.
खालील मार्गाने एस.टी. बसेस व जड वाहने, दुचाकी, चारचाकी व इतर सर्व प्रकारची वाहने यांना
मार्गक्रमण करणेस मनाई करण्यात येत आहे.

1) सेंट्रल बिल्डींग ते बस स्थानक या मार्गाने एस.टी. बसेस व जड वाहने मार्गक्रमण करण्यास मनाई करण्यात येत आहे.

2)जिजाऊ चौक-लेडीज क्लब- संत गाडगेबाबा चौक- डॉ. बाबासाहेब आंबेडकर चौक- छत्रपती शिवाजी महाराज चौक ते जिल्हाधिकारी कार्यालय, धाराशिव या मार्गाने एस.टी. बसेस व जड वाहने तसेच दुचाकी, चारचाकी व इतर सर्व प्रकारची वाहने यांना मार्गक्रमण करण्यास मनाई करण्यात येत आहे.

3)राजमाता अहिल्यादेवी होळकर चौक ते मा. जिल्हाधिकारी कार्यालय, धाराशिव या मार्गाने येणाऱ्या एस.टी.बसेस व जड वाहने यांना मार्गक्रमण करण्यास मनाई करण्यात येत आहे.

वरील बंधने ही पोलीस दलाची शासकीय वाहने, रुग्ण वाहिका, अग्निशमन दलाची वाहने, अत्यावश्यक सेवेतील व इतर विभागातील शासकीय वाहनांना लागू राहणार नाहीत.