सामाजिक कार्यकर्ते अनिल जगताप यांचा पुणे येथे प्रबोधन युवाशक्ती फाउंडेशनच्या वतीने गौरव

धाराशिव : प्रबोधन युवाशक्ती फाउंडेशन पुणे यांच्या वतीने कृषी क्षेत्रातील उल्लेखनीय कामगिरीसाठी सामाजिक कार्यकर्ते अनिल जगताप यांचा पुणे येथे सत्कार करून केला गौरव करण्यात आला आहे.

प्रबोधन युवाशक्ती फाउंडेशन पुणे यांच्या वतीने राज्यातील क्रीडा ,संस्कृती ,कला, साहित्य, कृषी ,आरोग्य ,शिक्षण या क्षेत्रात उल्लेखनीय काम करणाऱ्या राज्यातील नामांकित व्यक्तींना दरवर्षी राज्यस्तरीय पुरस्कार देऊन गौरव करण्यात येतो. यावर्षी हा कार्यक्रम 15 डिसेंबर रोजी एस पी महाविद्यालय पुणे येथे आयोजित करण्यात आला होता या कार्यक्रमात सामाजिक कार्यकर्ते अनिल जगताप यांनी केलेल्या शेतकऱ्यांसाठीच्या पिक विमा आणि दुष्काळ अनुदान इत्यादी बाबींचा विचार करून त्यांचा गौरव करण्यात आला.

यावर्षी हा पुरस्कार राज्यातील 21 नामांकित व्यक्तींना देण्यात आलेला आहे. कामगार पुरस्कार नेते डॉक्टर रघुनाथराव कुचिक व इतर मान्यवरांच्या हस्ते त्यांचा सत्कार करून पुरस्कार देण्यात आला.

पुरस्कार प्राप्त व्यक्तीमध्ये स्त्रीभ्रूण हत्येविषयी काम करणाऱ्या पुण्यातील प्रसिद्ध डॉक्टर तृप्ती राख, आंतरराष्ट्रीय स्तरावर भारताचे व्हॉलीबॉल मध्ये प्रति प्रतिनिधित्व करणारे तुषार पाटील, सलग 124 तास कथक नृत्य करून वर्ल्ड बुक मध्ये रेकॉर्ड करणारी सृष्टी जगताप, महिला बचत गट व वंचित घटकासाठी काम करणाऱ्या मुंबई येथील डॉक्टर ज्योती साठे कृषी क्षेत्रात शेतकऱ्यांसाठी उल्लेखनीय काम केलेले अनिल जगताप इत्यादींचा समावेश आहे.

प्रबोधन फाउंडेशन पुणे यांच्या वतीने पुणे येथे माझा सत्कार केला त्याबद्दल त्यांचा मी ऋणी आहे हा पुरस्कार मला आणखी काम करण्याचा बळ व ऊर्जा देणारा आहे. यापुढील कालखंडात देखील बळीराजासाठी ताकतीने सेवा करू. मिळालेला पुरस्कार राज्यातील बळीराजाला समर्पित करतो.

अनिल जगताप सामाजिक कार्यकर्ते