उस्मानाबाद विधानसभा मतदारसंघासाठी युवा नेते आनंद पाटील यांनी उमेदवारी अर्ज घेतल्याने अनेकांच्या भुवया उंचावल्या…

धाराशिव : राज्यात सध्या विधानसभा निवडणुकीचे वारे जोरात वाहत असून एका वेगळ्याच वातावरणामध्ये विधानसभेची निवडणूक यावेळेस पार पडत आहे. अनेक इच्छुक उमेदवारांनी उमेदवारांनी आज उमेदवारी अर्ज उमेदवारी अर्ज घेतले. उस्मानाबाद विधानसभा मतदारसंघासाठी युवा नेते आनंद पाटील यांनी आज मंगळवारी उमेदवारी अर्ज घेतला आहे. आनंद पाटील हे धाराशिव जिल्हा परिषदेचे सदस्य असून कमी कालावधीमध्ये त्यांनी जिल्ह्यात स्वतःची एक वेगळी ओळख निर्माण केलेली आहे. मिळालेल्या संधीचा पुरेपूर उपयोग करत जिल्हा परिषदेमध्ये अनेक समाज उपयोगी व पायाभूत कामे केल्यामुळे जनतेमध्ये त्यांच्याबद्दल एक विश्वासाचे वातावरण आहे. विशेषता तरुणांमध्ये त्यांच्याविषयी आकर्षण आहे.
आनंद पाटील हे जिल्ह्याचे पालकमंत्री तानाजी सावंत यांचे खंदे समर्थक असून तानाजी सावंत यांची त्यांच्यावर खास मर्जी असल्याचे राजकीय वर्तुळामध्ये अनेकदा बोलले जाते. अशा वातावरणात त्यांनी आज उमेदवारी अर्ज घेतल्याने अनेकाच्या भुवया उंचावल्या आहेत आनंद पाटील यांचे राज्याचे मुख्यमंत्री श्री. एकनाथ शिंदे यांच्याशी अत्यंत जिव्हाळ्याचे व एकनिष्ठतेचे संबंध असल्याने थेट वरूनच आदेश आला की काय अशीही चर्चा मतदारसंघांमध्ये सुरू झालेली आहे.

        आनंद पाटील यांच्या विषयी तरुणांमध्ये तर आकर्षण आहेच आहे. मात्र विरोधी पक्षात देखील त्यांचा मित्र परिवार मोठ्या प्रमाणामध्ये आहे. जनसामान्य माणसात मिसळणारा एक युवक अशी त्यांची प्रतिमा आहे येईल त्या नागरिकाला पक्षीय मतभेद न करता त्यांच्या कामासाठी 24 तास उपलब्ध असणारा युवक नेता अशी त्यांची प्रतिमा आहे. आणि याच प्रतिमेचा त्यांना निश्चितपणाने फायदा झाल्याशिवाय राहणार नाही. मात्र या सर्वात कळीचा मुद्दा हाच आहे की आरोग्य मंत्री श्री. तानाजी सावंत किंवा मुख्यमंत्र्याकडून आदेश आल्यावर ते आपला उमेदवारी अर्ज ठेवतील की काढून घेतील याविषयीही लोकांमध्ये उत्सुकता आहे.

आनंद पाटील यांची उमेदवारी कायम राहिली तर त्याचा फटका कोणाला बसेल आणि फायदा कोणाला होईल याविषयीही विधानसभा मतदारसंघांमध्ये मोठ्या प्रमाणामध्ये चर्चा व्हायला सुरुवात झालेली आहे. आनंद पाटील यांनी मराठा आरक्षणाचे जनक श्री. मनोज जरांगे पाटील यांची यापूर्वीच भेट घेऊन आशीर्वाद मिळविला असल्याची चर्चा देखील या मतदारसंघांमध्ये होत आहे. एकंदरीत त्यांचा उमेदवारी अर्ज कोणासाठी फायदेशीर आणि कोणासाठी घातक ठरतो हेही येणाऱ्या काळामध्ये समजणार आहे.