अयोध्येहून आलेल्या मंगलकलशाचे आणि अभिमंत्रित अक्षदाचे रामदिंडी काढून स्वागत

लोहारा ( जि.धाराशिव ) : लोहारा तालुक्यातील नागुर गावामध्ये अयोध्या येथून आलेले मंगलकलश आणि  अक्षदा नागुर गावातील नागोबा मंदिरात येताच कलशाचे स्वागत करून सर्व नागरिकांनी महाआरती केली. गावातील रस्त्या रस्त्यावर सडा-सम्मार्जन करून सुंदर रांगोळ्या काढलेल्या होत्या,  डोक्यावर मंगल कलश, प्रभू श्रीरामाची प्रतिमा घेवून गावात  मिरवणुक काढण्यात आली, मिरवणुकीत घरा – घरा समोर महिलांनी मंगल कलशाचे पूजन करून दर्शन घेतले. “श्रीराम जयराम जय जय राम,” असे गीत व भजन गात गात गावातील भजनी मंडळ, कारसेवक, ज्येष्ठ नागरिक,  महिला, लहान मुले – मुली सर्वजण मोठ्या संख्येने मिरवणुकीत सहभागी झाले होते.यावेळी शंकर जाधव यांनी याविषयी माहिती देताना सांगितले की, 22 जानेवारी 2024 रोजी अयोध्येमध्ये  रामलल्ला विराजमान होणार असून प्रभू श्रीरामाच्या भव्य मंदिराचे लोकार्पण सोहळा संपन्न होणार आहे,

यानिमित्त या दिवशी  देशभरात राम नाम जप, हनुमान चालीसा, राम कथा, रामदिंडी, घरावर भगवे ध्वज,गावा गावात सर्व मंदिरात महाआरती करून हा उत्सव साजरा करावा. याप्रसंगी श्रीराम मंदिर कलश स्वागत समिती नागुर येथील श्री सत्यवान भांगे, बालाजी मोरे, अंगद पाटील, यशवंत चंदनशिवे , मारुती जाधव, विक्रम पवार, राहुल मोरे, बालाजी जावळे, सुरेश जाधव, दत्ता मोरे,  अप्पासाहेब मसलकर, हरी सलगरे, विलास चंदनशिवे, शहाजी जावळे, मारुती जावळे, केशव सोमवंशी, सुभाष सलगरे, रमेश पाटील, विनोद जाधव, युवराज चव्हाण, दत्ता सलगरे, हणमंत खराडे, जनकल्याण समितीचे श्री शंकर जाधव, श्री शहाजी जाधव, तालुका कार्यवाह श्री मनोज तिगाडे, दत्तात्रय दंडगुले, सुयश दंडगुले तसेच गावातील सर्व ग्रामस्थ मोठया संख्येने उपस्थित होते.