लोहारा/प्रतिनिधी
नवरात्र महोत्सवानिमित्त स्वस्थ नारी सशक्त परिवार या उपक्रमांतर्गत स्पर्श ग्रामीण रुग्णालय सास्तूर, ग्रामीण रुग्णालय लोहारा, तालुका आरोग्य अधिकारी कार्यालय लोहारा व श्री जगदंबा मंदिर ट्रस्ट यांच्या संयुक्त विद्यमाने लोहारा शहरातील जगदंबा मंदिर येथे दि. 28 सप्टेंबर रोजी भव्य मोफत आरोग्य शिबीर आयोजित करण्यात आले.
शिबिराचे उद्घाटन जगदंबा देवीच्या पूजन व आरतीनंतर माजी मंत्री तथा भाजप लातूर ग्रामीण जिल्हाध्यक्ष बसवराज पाटील यांच्या हस्ते झाले. यावेळी प्रमुख पाहुणे म्हणून माजी जि.प. सदस्य तथा भाजप एससी जिल्हाध्यक्ष दिलीप भालेराव, जिल्हा आरोग्य अधिकारी डॉ. सतिश हरीदास, जिल्हा शल्यचिकित्सक डॉ. धनंजय चाकूरकर, जगदंबा मंदिर ट्रस्टचे संस्थापक अध्यक्ष व कृषी उत्पन्न बाजार समिती माजी सभापती दयानंद गिरी, भाजप तालुकाध्यक्ष राजेंद्र पाटील, उपनगराध्यक्ष अमिन सुंबेकर, तालुका आरोग्य अधिकारी डॉ. जगदीश बनसोडे, स्पर्श ग्रामीण रुग्णालयाचे प्रकल्प समन्वयक रमाकांत जोशी, डॉ. आम्लेश्वर गारठे, नगरसेविका व भाजप महिला आघाडी तालुकाध्यक्ष आरती सतिश गिरी, शिवसेना उपजिल्हा प्रमुख शब्बीर गवंडी, गटनेत्या सारिका बंगले, माजी नगरसेवक आयुब अब्दुल शेख, नगरसेविका कमल भरारे, कृषी उत्पन्न बाजार समिती संचालक हरी लोखंडे, नगरसेविका सुमन रोडगे, नगरसेविका आरती कोरे, नगरसेविका संगिता पाटील, नगरसेवक जालिंदर कोकणे आदी मान्यवर उपस्थित होते.
HTML img Tag
आरोग्य शिबिरात डॉ. सुनिल मंडले, डॉ. जितेंद्र मेठे, डॉ. कोमल मगर, डॉ. गौरी झोरी, डॉ. रणजित जाधव, डॉ. संतोष गंबीरे, डॉ. तावशीकर, डॉ. खमितकर मॅडम आदी तज्ज्ञ डॉक्टरांनी एकूण 148 विविध विकारांच्या रुग्णांची तपासणी करून मोफत औषधे दिली.
कार्यक्रमादरम्यान भाजप तालुका उपाध्यक्षपदी शुभम गोसावी व शहराध्यक्षपदी सचिन क्षीरसागर यांच्या निवडीबद्दल माजी मंत्री बसवराज पाटील यांच्या हस्ते सत्कार करण्यात आला. तसेच कोविड काळात उल्लेखनीय सेवा दिल्याबद्दल डॉ. आम्लेश्वर गारठे, स्पर्श ग्रामीण रुग्णालयाचे प्रकल्प समन्वयक रमाकांत जोशी व आदर्श शिक्षक प्राचार्य शहाजी जाधव यांचा विशेष सन्मान करण्यात आला.
या कार्यक्रमास महादेव गिरी, सतिश गिरी, संजय दरेकर, के.डी. पाटील, बापू जट्टे, जगदंबा ट्रस्टचे प्रविण कांबळे, भाजप तालुका सरचिटणीस व जिल्हा मराठी पत्रकार संघ तालुकाध्यक्ष इकबाल मुल्ला, भाजप तालुका उपाध्यक्ष शुभम गोसावी, भाजप शहराध्यक्ष सचिन क्षीरसागर, भाजप युवा मोर्चाचे बालाजी चव्हाण, निकेश बचाटे, भाजप ओबीसी तालुकाध्यक्ष प्रशांत माळवदकर, सागर गिरी, गौरव गोसावी, रोहीत नारायणकर, अजय गोसावी, स्वप्नील नारायणकर, योगेश बाबळे, शिवा थोरात, विकास थोरात, जितेंद्र फुलकुर्ते, सचिन कोळी, शुभम माळी यांच्यासह विविध विकारांचे तज्ञ डॉक्टर, आरोग्य कर्मचारी, आशा स्वयंसेविका, जगदंबा मंदिर ट्रस्टचे पदाधिकारी व सदस्य, दयानंद गिरी मित्र मंडळाचे पदाधिकारी व सदस्य तसेच मोठ्या संख्येने नागरिक उपस्थित होते.
कार्यक्रमाचे सूत्रसंचालन जगदंबा मंदिर ट्रस्टचे प्रविण कांबळे यांनी केले तर आभार प्रदर्शन सतिश गिरी यांनी मानले. शिबिर यशस्वी करण्यासाठी जगदंबा मंदिर ट्रस्ट व दयानंद गिरी मित्र मंडळाचे पदाधिकारी व सदस्यांनी विशेष परिश्रम घेतले.
HTML img Tag
error: Content is protected !!
