फक्त आणि फक्त शुद्ध शाकाहारीच जेवणाची सोय – बीआरएस पक्षाचे महाराष्ट्र राज्य मिडीया समन्वयक प्रशांत नवगिरे
धाराशिव : भारत राष्ट्र समिती पक्षाचे राष्ट्रीय अध्यक्ष तथा तेलंगणाचे मुख्यमंत्री के . चंद्रशेखर राव हे स्वतः व तेलंगणाचे कांही मंत्री, खासदार, आमदार व पदाधिकारी यांचेसोबत पंढरपूर येथे पांडुरंगाच्या दर्शनासाठी जात आहेत .
त्यांच्यासाठी त्याठिकाणी फक्त आणि फक्त शुद्ध शाकाहारीच जेवणाची सोय करण्यात आली होती. स्थानिक पदाधिकारी व या कार्यक्रमाची तयारी करणारे जे कामगार होते त्यांच्यासाठी मांसाहारी जेवणाची सोय करण्यात आली होती . परंतु कांही वृतवाहिन्यांवर आज जे BRS पक्षाची बदनामी करणारे वृत्त प्रसारित केले गेले. त्याबदल खुलासा …. महाराष्ट्राचे आराध्य दैवत असलेल्या पांडुरंगाबद्दल सर्व वारकर्यांच्या व सामान्यांच्या मनात जी पावित्र्याची भावना आहे तीच भावना स्वतः के . चंद्रशेखर राव आणि त्यांच्या सोबत पांडुरंगाचे दर्शन घेण्यासाठी आलेल्या सर्वांच्या सुद्धा मनात आहे .
केवळ आणि केवळ बीआरएस पक्षाला बदनाम करण्यासाठी चुकीच्या माहितीच्या आधारावर विरोधी पक्षांनी रचलेले हे कट कारस्थान असुन जाणूनबुजून बदनामीकारक वृत पसरविले आहे . हे राजकिय षडयंत्र आहे .
या अशा कटकारस्थांनामुळे पक्षवाढीवर कांहीही परिणाम होणार नसुन बीआरएस पक्षाची महाराष्ट्रामध्ये सुरु असलेली घोडदौड यापुढे प्रचंड वेगाने सुरुच राहिल.असे बीआरएस पक्षाचे महाराष्ट्र राज्य मिडीया समन्वयक प्रशांत नवगिरे यांनी प्रसिध्दी पत्रकात म्हटले आहे.
