लोहारा ( जि.धाराशिव ) : 21 फेब्रुवारी पासून राज्यात व आपल्या तालुक्यात इयत्ता दहावी व बारावीच्या बोर्डाच्या परीक्षा सुरू होत असून विद्यार्थ्यांना पहाटे पासुन परीक्षेचा अभ्यास व तयारी करावी लागते, त्यात आपल्या महावितरण कंपनीकडून पहाटे 05 ते 08 पर्यंत लोड सेटिंग करण्यात येते, त्यामुळे विद्यार्थ्यांना अभ्यासासाठी पुरेसा वेळ मिळत नाही. आपण लहानपणापासून ऐकत आलो की सकाळचा अभ्यास उत्तम असतो पण तो करण्यासाठी आपल्या इथे पहाटे लाईटच नसते, मग त्या विद्यार्थ्यांनी अभ्यास कसा करावा, आपल्या कार्यालयाकडून दिवाळी, ईद, ख्रिसमस, उरूस, जत्रा या धार्मिक कार्यक्रमासाठी व सणावारासाठी व इतर गोष्टीसाठी आपल्या कार्यालयाकडून त्या दिवसासाठी लोडसेटींग बंद असते, मग विद्यार्थ्यांच भवितव्य या बोर्डाच्या परीक्षावर अवलंबून असते, विद्यार्थ्यांच्या आयुष्यातील हा महत्त्वाचा टप्पा असतो, आपल्या लोड सेटिंग मुळे विद्यार्थ्यांच्या भविष्यावर परिणाम होऊ नये. व त्यांचे होणारे शैक्षणिक नुकसान ठाळण्यात यावे यासाठी आपण तात्काळ लोड सेटिंग बंद करावी. या मागणी साठी महाराष्ट्र नवनिर्माण विद्यार्थी सेनेचे तालुकाध्यक्ष विवेक बनसोडे यांच्या नेतृत्वात महावितरण अधिकारी यांना निवेदन देण्यात आले. या विषयी उप अभियंता साहेबांनी सकारात्मक प्रतिसाद दिल तरी पण निवेदनात नमुद करण्यात आले की आपण आपला तालुक्यातील लोड सेटिंग तात्काळ संपूर्ण परीक्षा समाप्त होईपर्यंत बंद करण्यात यावी अन्यथा महाराष्ट्र नवनिर्माण विद्यार्थी सेनेतर्फे मनसे स्टाईल खळखट्याक आंदोलन करण्यात येईल व त्या आंदोलना दरम्यान कायदा व सुव्यवस्थेचा प्रश्न निर्माण झाल्यास याला संपूर्ण जबाबदार आपण स्वतः व आपले कार्यालय असेल याची नोंद घ्यावी. अशा अशयाचे निवेदन देण्यात आले निवेदनावर महाराष्ट्र नवनिर्माण विद्यार्थी सेनेचे तालुका अध्यक्ष विवेक बनसोडे, राहुल राजपुत, सतिश पोतदार, अभय कदम, वैभव पांचाळ, सचिन क्षिरसागर, अक्षय कदम, सचिन पवार, अभिषेक भंडारकोठे, प्रतिक थोरात, संदिप अडसुळे, स्वप्निल सोनटक्के अदि विद्यार्थी व महाराष्ट्र सैनिकांच्या सह्या आहेत.
