लोहारा तहसिल कार्यालयासमोर राष्ट्रवादी कॉग्रेसचे जोडे मारो आंदोलन
लोहारा (उस्मानाबाद ) : खासदार सुप्रिया सुळे यांच्या बद्दल आक्षेपार्ह विधान केल्याबद्दल राज्याचे कृषिमंत्री अब्दुल सत्तार यांच्या प्रतिमेला लोहारा तहसिल कार्यालयासमोर बुधवारी ९ नोव्हेंबर रोजी राष्ट्रवादी काँग्रेसच्या वतीने जोडे मारो आंदोलन करण्यात आले.
यावेळी तहसिलदार संतोष रुईकर यांच्या मार्फत राज्यपालांना निवेदन पाठविण्यात आले यात असे म्हटले आहे.की, रीज्याचे कृषिमंत्री अब्दुल सत्तार यांना तात्काळ बडतर्फ करा जेणेकरून भविष्यात कुठलाही मंत्री अशी चूक करणार नाही. अशी मागणी करण्यात आली.
यावेळी राष्ट्रवादी काँग्रेसचे शहराध्यक्ष तथा उपनगरध्यक्ष आयुब शेख, राष्ट्रवादीचे युवक तालुकाध्यक्ष नाना पाटील,युवक कार्याध्यक्ष उमेश देवकर, नगरसेवक जालिंदर कोकणे, बाळासाहेब पाटील, नवरदेव कदम, युवक शहराध्यक्ष निहाल मुजावर, हीजी बाबा शेख, काँग्रेसचे माजी शहरध्यक्ष के. डी. पाटील,विधानसभा सरचिटणीस प्रकाश भगत, भागवत वाघमारे,शैलेश कांबळे, वैजीनाथ जट्टे ,असिफ बागवान आदी उपस्थित होते.
