लोहारा (खुर्द) येथील एका सोळा वर्षीय मुलीची गळफास घेऊन आत्महत्या

लोहारा ( जि.धाराशिव ) : याबाबत पोलिसांकडून मिळालेली माहिती अशी की, लोहारा तालुक्यातील लोहारा खुर्द येथील भाग्यश्री मुकुंद इंगळे (वय १६) हिने सोमवारी १७ एप्रिल रोजी आपल्या घरातील लोखंडी अँगलला ओढणीने गळफास घेऊन आत्महत्या केली. आत्महत्येचे कारण कळू शकले नाही. याप्रकरणी सचिन बळी इंगळे यांनी लोहारा पोलिस ठाण्यात घटनेची माहिती दिल्यावरून पोलिसात अकस्मात मृत्यूची नोंद करण्यात आली. पुढील तपास पोलिस हवालदार बोळके करीत आहेत.