श्रीहरीकोटा अंतरिक्ष सहल जिल्हास्तरीय निवड चाचणीमध्ये लोहारा जिल्हा परिषद शाळेच्या दोन विद्यार्थ्याची निवड
लोहारा ( जि.धाराशिव ) : अंतरिक्ष सहल जिल्हास्तर स्पर्धा परीक्षेत लोहारा शहरातील जिल्हा परीषद केंद्रीय प्राथमिक शाळेतील इयत्ता सहावी वर्गातील कु. सिमरन रसूल शेख व इयत्ता सातवी वर्गातील कु. संध्या खंडू शिंदे यांची निवड झाली आहे.
सिमरन रसूल शेख
सिमरन रसूल शेख हिने या अंतरिक्ष सहल विज्ञान स्पर्धा जिल्ह्यात झालेल्या स्पर्धेत आपले व शाळेचे स्थान कायम अव्वल टिकवून जिल्हयात 74 गुण घेऊन प्रथम क्रमांक पटकावला व संध्या खंडू शिंदे हिने 64 गुण प्राप्त केले. याबद्दल त्यांचे सर्वत्र कौतुक होत आहे.
संध्या खंडू शिंदे
या सहलीसाठी दि.20 मार्च 2023 रोजी उस्मानाबाद (डायट) जिल्हा शिक्षण व प्रशिक्षण संस्था उस्मानाबाद येथे घेण्यात आलेल्या स्पर्धा परीक्षेतून जिल्हयातून एकूण प्रत्येक तालुक्यातून तीन असे एकूण 24 विद्यार्थ्यांची निवड करण्यात आली.
यासाठी शाळास्तरावर विज्ञान शिक्षक श्री. श्रीशैल जट्टे , जहीरुद्दीन शेख , प्रविण शिंदे , प्रताप साळूंके व मुख्याध्यापक श्री. मधूकर रोडगे व शिक्षकांनी मार्गदर्शन केले. यासाठी प्रेरणास्त्रोत लोहारा तालुका गटशिक्षणाधिकारी रंजना मैंदर्गी ,बीटच्या विस्तार अधिकारी श्री चव्हाण ,भास्कर बेशकराव व शाळा व्यवस्थापन समिती यांनीही शुभेच्छा देऊन शाळेचे अभिनंदन केले. निवड झालेल्या विद्यार्थ्यांचे सर्वत्र अभिनंदन होत आहे.
