ट्रकच्या धडकेने मोटार सायकलवरील विद्यार्थी जागीच ठार
उमरगा (उस्मानाबाद ) :नारायण गोस्वामी
उमरगा – लातूर रोडवरील लक्ष्मीपाटी जवळ एका मिनी हायवा ट्रक ने दुचाकीवरुन कॉलेजला जाणाऱ्या विद्यार्थ्यांच्या दुचाकीला मागून जोरदार धडक दिल्याने एका २० वर्षीय विद्यार्थांचा जागेवरच म्रूत्यु झाला तर एक गंभीर जखमी आहे . हा अपघात सकाळी ९ च्या सुमारास घडला असून आरोपी ट्रक ड्रायव्हर हा पळून गेला .
याबाबत माहिती अशी कि ,नाइचाकुर येथील आरोग्य कर्मचारी संभाजी भांगे यांचा मुलगा गणेश भांगे हा शनिवारी सकाळी आपल्या मित्रासह दुचाकीवरून , बिरुदेव मंदिर शेजारी असणाऱ्या शिवाई बी फॉर्मसी कॉलेजला जात होता .उमरगा – लातूर रस्त्यावरील , कोरेगाव शिवारातील लक्ष्मी पाटी जवळ एम एच – २५ ए जे – ३३०५ या डस्ट वाळू वाहतूक करणाऱ्या मिनी हायवा ट्रक ने दुचाकीस मागून जोरदार धडक दिली .
यात गणेश संभाजी भांगे वय वर्षे हा जागीच ठार झाला तर कृष्णा अभिमन्यू जाधव वय २० राहणार नारंगवाडी हा गंभीर जखमी झाला असून त्याच्यावर येथील खाजगी रुग्णालयात उपचार सुरू आहेत . अपघात होताच मिनी हायवा ट्रकचा ड्रायव्हर हा जखमीना मदत न करता पळून गेला . यानंतर नाणीज महाराज यांच्या सेवाभावी रुग्णवाहिका मधून दोघांना उपचारासाठी आणण्यात आले .
अपघाताची माहिती समजताच शिवाइ कॉलेज मधील विद्यार्थ्यांनी उपजिल्हा रुग्णालयात गर्दी केली होती तर अवघ्या २० वर्शाचा तरुण विद्यार्थी मृत पावल्याने हळहळ व्यक्त करण्यात येत आहे .
