विविध धार्मिक कार्यक्रमांनी खंडोबा यात्रेस सुरुवात

किल्लारी : प्रशांत नेटके

तपसे चिंचोली येथील ग्रामदैवत श्री खंडोबा यात्रा चंपाषष्ठी महोत्सवास घटस्थापना ,श्रींचा अभिषेक व खंडोबावारीने बुधवारपासून सुरुवात झाली आहे.चंपाषष्ठी यात्रा महोत्सवाचे औचित्य साधून विविध धार्मिक व सांस्कृतिक कार्यक्रमांचे आयोजन करण्यात आल्याची माहिती खंडोबा यात्रा कमिटीच्या वतीने देण्यात आली आहे.

◆ तपसे चिंचोली येथील ग्रामस्थांचे दैवत असलेले खंडोबाच्या दर्शनासाठी दूरदूरून भाविक येतात. दरवर्षी ही यात्रा भरते.चंपाषष्ठी महोत्सव म्हणून पंचक्रोशीतून भाविकांची यावेळी गर्दी असते.

यात्रा महोत्सवात बुधवार ( 23) रोजी तपसे चिंचोली येथील सांप्रदायिक भजनी ,गावकरी भजनी मंडळाचा भजनाचा कार्यक्रम पार पडला. गुरुवारी ( 24) रात्री चंद्रकांत बडगे (ताडमुगळी ) यांचा वाघ्या मुरळीचा कार्यक्रम होत असून , शुक्रवारी (25 ) रोजी तपसेचिंचोली भजनी मंडळाचा कार्यक्रम , शनिवारी (26) पवन गुंडेराव बडगे (ताडमुगळी) यांचा वाघ्या मुरळीचा कार्यक्रम , रविवारी (27) खंडू वाघे राजुरी उस्मानाबाद यांचा वाघ्या मुरळीचा कार्यक्रम ,सोमवार (28) सकाळी सतसंग व रात्री दत्तू वाघे हाडोळी यांचा वाघ्या मुरळीचा कार्यक्रम होत असून मंगळवार 29 ला पहाटे पाच वाजता अभ्यंगस्नान ,अभिषेक महावस्त्र अलंकार पूजा , महाप्रसाद ,सकाळी बोरामनी , अनसरवाडा भारुडकर यांचा भारुडाचा कार्यक्रम होऊन समारोप होणार आहे.