सास्तुर गटात सौ. प्रगती घोटाळे यांचा ‘वचनपूर्ती’ उपक्रम ठरला चर्चेचा विषय

लोहारा (जि. धाराशिव) : येणाऱ्या जिल्हा परिषद व पंचायत समिती निवडणुकीच्या पार्श्वभूमीवर सास्तुर गटात सौ. प्रगती धीरज घोटाळे यांच्या सक्रिय दौऱ्याने चांगलीच चर्चा रंगली आहे. दसरा व दीपावलीनिमित्त त्या गटातील प्रत्येक गाव, वाडी, वस्ती येथे ग्रामस्थ, नातेवाईक, मित्रपरिवाराशी भेट घेत आहेत. या भेटीदरम्यान त्यांनी फक्त शुभेच्छाच नव्हे, तर सार्वजनिक कामांसाठी थेट आर्थिक मदतीची घोषणा करून वचनपूर्तीचे उदाहरण घातले आहे.

गावोगावी झालेल्या या भेटीदरम्यान ग्रामस्थांनी मांडलेल्या मागण्यांना प्रतिसाद देत सौ. घोटाळे यांनी मंदिर, शाळा, पुतळे अशा विविध ठिकाणी प्रत्येकी ₹51,000 इतकी मदत जाहीर केली.

त्यापैकी काही प्रमुख मदती खालीलप्रमाणे –
1️⃣ सास्तुर येथील मशिदीच्या वॉल कंपाऊंडसाठी ₹51,000

2️⃣ सास्तुर शांतेश्वर विद्यालयाच्या सुशोभीकरणासाठी ₹51,000

3️⃣ चिंचोली विठ्ठल मंदिरासाठी ₹51,000

4️⃣ राजेगाव शिवाजी महाराज पुतळा सुशोभीकरणासाठी ₹51,000

5️⃣ एकोंडी जिल्हा परिषद शाळा सुशोभीकरणासाठी ₹51,000

6️⃣ होळी जिल्हा परिषद शाळेसाठी ₹51,000

7️⃣ तोरंबा हनुमान मंदिरासाठी ₹51,000

8️⃣ सालेगाव उत्तर शिवाजी महाराज पुतळा सुशोभीकरणासाठी ₹51,000

9️⃣ उदतपूर जिल्हा परिषद शाळेसाठी ₹51,000

कोंडजीगड जिल्हा परिषद शाळेसाठी कॉम्प्युटर व प्रिंटर भेट

ग्रामभेटीदरम्यान सौ. घोटाळे यांनी स्पष्ट सांगितले –
“आरक्षण काहीही असो, तिकीट मिळो अथवा न मिळो, मी माझ्या स्वखुशीने गावाच्या विकासासाठी कार्यरत राहीन. मी दिलेला शब्द पाळणारच.”
त्यांच्या या भूमिकेने ग्रामस्थ भारावून गेले असून त्यांनी प्रगतीताईंच्या ‘वचनपूर्ती’ उपक्रमाचे कौतुक केले आहे.

सौ. प्रगती धीरज घोटाळे या पुणे जिल्हा परिषदेत हवेली तालुक्यात उत्कृष्ट, स्वच्छ व पारदर्शक कामगिरी करणारे अधिकारी श्री. धीरज घोटाळे यांच्या पत्नी असून त्यांच्याच मार्गदर्शनाखाली त्या सातत्याने सामाजिक कार्य करत आहेत. प्रशासनातील वरिष्ठ अधिकाऱ्यांपासून ते मंत्री, खासदार, आमदारांपर्यंत मजबूत संपर्कजाळे, तसेच पुण्यातील अनेक उद्योगगटांशी असलेली ओळख – यामुळे त्यांच्या कार्याला बळ मिळते आहे.

गावोगावी दिलेला शब्द पाळणारे नेतृत्व, पारदर्शक व स्वच्छ प्रतिमा आणि लोकसहभागी कार्यशैली या गुणांमुळे सास्तुर पंचायत समिती गणातील ग्रामस्थांकडून त्यांना उमेदवारीची जोरदार मागणी होत आहे.
गण ओपन महिला राखीव पडल्याने, “सौ. प्रगती घोटाळे यांनी सास्तुर गणातून पंचायत समिती निवडणूक लढवावी,” अशी एकमुखी मागणी ग्रामस्थांकडून पुढे येत आहे.

गावोगावी दिलेला शब्द, प्रत्यक्ष कृतीत उतरवणारे नेतृत्व म्हणजेच सौ. प्रगती धिरज घोटाळे!
सास्तुर गटात या सामाजिक कार्यकर्त्या महिलेनं विकासाची नवी दिशा दाखवली आहे.