पिस्तुल व जिवंत काडतुसासह आरोपी अटक

धाराशिव : स्थानिक गुन्हे शाखा दि.16/04/2023 रोजी स्थानिक गुन्हे शाखा पथकास गुप्त बातमीदारामार्फत माहिती मिळाली कि, चिखली चौरस्ता, उस्मानाबाद याठिकाणी लाल चौखडा रंगाचा शर्ट व आकाशी निळया रंगाची जिन्स पॅन्ट परीधान केलेला इसमाचे कमरेला बंदुक सारखे काहीतरी शस्त्र आहे.यावर स्थानिक गुन्हे शाखा पथकाने मा.पोलीस निरीक्षक श्री यशवंत जाधव यांना कळविले असता त्यांनी सदर ठिकाणी जावुन मिळालेल्या बातमीची खात्री करुन योग्य ती कायदेशीर कार्यवाही करण्याचे आदेशित केल्याने पथकाने सदर ठिकाणी सापळा लावुन दुपारी 02/15 वा नमुद वर्णनाच्या इसमास ताब्यात घेवुन त्याचे नाव गाव विचारले असता त्याने त्याचे नाव किशोर लिंबराज माळी वय 34 वर्षे, रा.चिलवडी, ता.जि.उस्मानाबाद असे सांगितले. त्यानंतर त्याची अंगझडती घेतली असता त्याचे ताब्यात 15,500/-रु किंचे देशी बनावटीचे पिस्टल व एक जिवंत काडतुस मिळुन आले. यावर पथकाने त्यास अटक करुन त्याचे ताब्यातील देशी बनावटीचे पिस्टल व एक जिवंत काडतुस जप्त करुन त्याचेविरुध्द पोलीस ठाणे बेंबळी याठिकाणी शस्त्र अधिनियम कायदान्वये गुन्हा दाखल करण्यात आला आहे.
सदरची कामगिरी मा.पोलीस अधीक्षक श्री अतुल कुलकर्णी व अपर पोलीस अधीक्षक श्री नवनीत काँवत यांचे आदेशान्वये व मार्गदर्शनाखाली स्था.गु.शा चे पोलीस निरीक्षक श्री यशवंत जाधव, पोलीस उपनिरीक्षक श्री.संदिप ओहेाळ, पोलीस अंमलदार विनोद जानराव, फरहान पठाण या पथकाने केली आहे.